Јазовец

Јазовецот е вид од фамилијата на куни (Mustelidae). Тоа е силно животно со бела, црна до сива боја, со мала глава, црни очи и кратка опашка. Достигнува тежина до 15 kg.Јазовецот се храни претежно со мали цицачи кои живеат на земја, активни се ноќе, а пленот го пронаоѓаат благодарение на добро развиеното сетило за мирис, вид и слух. Имаат силно развиени предни нозе и канџи, а тунелите кои ги копаат во потрага по пленот ги користат и за спиење.

Живеат самостојно, а во текот на сезоната на парење мажјаците и женките ги зголемуваат своите територии во потрага по партнер. Јазовците се парат во доцно лето или рана есен. Во пролет женките ги котат младите, најчесто од 1 до 5, во подземното дувло обложено со трева. Младите се раѓаат слепи и безпомошни, па женките ги хранат, негуваат и штитат уште 5 до 6 недели. Поголемиот дел од зимата го поминуваат мирувајќи, иако кај нив нема вистински зимски сон.

Во Националниот Парк Галичица живее во природни и полу-природни тревести екосистеми, како и во дабови, букови шуми и земјоделски површини.