Голема дабова стрижибуба

Голема дабова стрижибуба е вид кој припаѓа на фамилијата почвени тркачи (Carabidae). Тој е најголемиот Европски тврдокрилец кој достигнува должина од 40 до 70 mm. Грбната страна му е црна и сјајна. Елитрите се овални, силно конвексно заоблени препокриени со околу 15 редови грануларни туберкули(израстоци). Достигнуваат старост повеќе од 3 години. Присутен е во Македонија, Албанија, Србија, Босна, Бугарија, Хрватска, Грција, Австрија, Унгарија, Романија и Словенија. Во Националниот Парк Галичица најчесто живее на субалпските високопланински пасишта.