Еребица камењарка

Еребица камењарка (Alectoris graeca)-вид птица од фамилијата на фазани, редот на кокошковидни. Распространета е во југозападниот дел на Азија и југоисточниот дел на Европа. Еребицата камењарка ја има и во Македонија.

Еребицата камењарка е со слична боја на камењата, од каде што и го добила името. Најчесто е сива, со светлокафеав грб, сиви гради и кремава боја на стомакот. Лицето ѝ е бело со црни линии, а на крилјата има квадратести шарки. Има должина до 36 см, а распонот на крилјата ѝ достигнува до 60 см.

Живее на суви и отворени места, често во ридест предел. Создава мали јата и не е птица преселница. Гнездото го прави на земја и несе од 5-21 јајце. Кога ќе се вознемири таа повеќе трча, отколку што лета. Се храни со разни семиња и инсекти.